NTASTAAFU BARCELONA - FABREGAS.

KIUNGO nyota wa kimataifa wa Hispania na klabu ya Barcelona Cesc Fabregas ameondoa uwezekano wa kurejea klabu yake ya zamani kufuatia tetesi kwamba anakosa raha katika klabu yeke ya sasa. Fabregas aliweka wazi kuwa ahana mpango wa kuondoka Barcelona na amepanga kubakia hapo mpaka atakapoamua kutundika daluga. Meneja wa Arsenal, Arsene Wenger alidai katika siku za karibuni kuwa kiungo huyo anaweza kurudi Arsenal katika siku zijazo lakini Fabregas mwenyewe amesisitiza kuwa ana furahia maisha ya Barcelona. Fabregas pia alizungumzia mchezo wao wa Ligi ya Mabingwa Ulaya dhidi ya AC Milan kuwa ni mchezo muhimu katika safari yao ya kuelekea katika fainali itakayofanyika katika Uwanja wa Wembley Mei 25 mwaka huu. Mchezo wa kwanza baina ya timu hizo utakachezwa Februari 20 katika Uwanja wa San Siro kabla ya kurudiana wiki baadae katika Uwanja wa Camp Nou.