BEBETO AKIUZULU KUINOA TIMU YA VIJANA.

MSHAMBULIAJI wa zamani wa kimataifa wa Brazil, Bebeto amejiuzulu wadhifa wake wa kuinoa timu ya vijana ya nchi hiyo ikiwa imepita miezi miwili toka ateuliwe kushikilia wadhfa huo. Kwa mujibu wa taarifa iliyotolewa na Shirikisho la Soka nchini Brazil, Bebeto mwenye umri wa miaka 49 amedai kuwa ameamua kuachia ngazi kutokana na kukosa muda maalumu wa kuifanya kazi hiyo. Nyota huyo ambaye amewahi kucheza katika vilabu vya Flamengo, Vasco da Gama na Deportivo La Coruna kwasasa ni mmoja kati ya wajumbe wa watatu wa kamati ya maandalizi ya michuano ya Kombe la Dunia mwaka 2014 itakayofanyika nchini Brazil na pia mbunge wa jimbo jijini Reo de Janeiro. Aliteuliwa kushika nafasi ya kuinoa timu vijana chini ya umri wa miaka 20 baada ya timu hiyo kung’olewa katika michuano ya Amerika Kusini lakini wadau wa soka nchini humo waliponda uteuzi huo wakidai nyota huyo alikuwa hana uzoefu wa kutosha.