HOPKINS AVUNJA REKODI YAKE MWENYEWE.

BONDIA machachari Bernard Hopkins amefanikiwa kumpiga Tavoris Cloud na kuvunja rekodi yake mwenyewe ya kuwa bondia mwenye umri mkubwa zaidi kunyakuwa ubingwa wa dunia katika historia ya mchezo huo. Hopkins mwenye umri wa miaka 48 alitetea ubingwa wake wa IBF uzito mwepesi kwa kumshinda Cloud kwa point kwenye pambano lililofanyika jijini New York Marekani. Bondia huyo ambaye huenda akapigana na Nathan Cleverly katika pambano lingine, alitumia vyema nafasi baada ya Cloud mwenye umri wa miaka 31 kuchanika pembeni mwa jicho lake la kulia katika mzunguko wa sita wa pambano. Bondia huyo mkongwe kwa mara kwanza alikuwa bingwa wa dunia mwenye umri mkubwa zaidi baada ya kushinda pambano lake alilocheza Mei mwaka 2011.