BARCELONA NA NEYMAR WANATEGEMEANA - JUNINHO.

KIUNGO nyota wa zamani wa kimataifa wa Brazil, Juninho ameitaka klabu ya Barcelona kuongeza nguvu ili wapate saini ya Neymar baada kupendekeza kuwa klabu hiyo na nyota huyo wa klabu ya Santos wanategemeana. Kwa kipindi kirefu Barcelona imekuwa ikihusishwa na tetesi za kumnyatia nyota huyo na kushindwa kwao katika michuano ya Ligi ya Mabingwa Ulaya ndio kumechochea zaidi tetesi hizo katika kipindi hiki cha kuelekea usajili wa majira ya kiangazi. Na Juninho ambaye anacheza katika klabu ya Atletico Madrid ya Hispania anategemea Barcelona watashinda mbio hizo za kumuwania Neymar kwani wote wawili akimaanisha timu na mchezaji huyo kwamba wanategemeana. Juninho amesema anaamini mchezaji huyo kwasasa anahitaji uzoefu wa Ulaya na atahitaji muda kuzoea maisha ya soka Ulaya kwasababu ni tofauti kidogo na soka la Brazil.