RAIS BONGO AMPONGEZA AUBAMEYANG KWA KUSHINDA TUZO YA MARC VIVIEN FOE.

RAIS wa Gabon, Ali Bongo amempongeza mshambuliaji nyota wa timu ya taifa ya nchi hiyo Pierre-Emirick Aubameyang kwa kushinda tuzo ya Marc Vivien Foe mapema wiki hii nchini Ufaransa. Rais Bongo amemuelezea nyota huyo mwenye umri wa miaka 23 anayecheza klabu ya Saint Etienne inayoshiriki Ligue 1, kwamba ni mchezaji mwenye kipaji na anayejituma ambaye ameliletea taifa lake heshima na mfanya wa kuigwa kwa vijana wan chi hiyo. Rais huyo aliendelea kusema kipaji alichonacho mchezaji huyo ni cha hali ya juu na amewaonyesha vijana nchini humo njia za mafanikio. Nyota huyo ambaye anaongoza katika orodha ya ufungaji katika Ligue 1 akiwa amefunga mabao 19, kwasasa anawindwa na vilabu mbalimbali vikubwa vua Italia, Ujerumani na Uingereza.