BARCELONA YATAMBULISHA JEZI ZAKE MPYA KWENYE SANAMU LA CHRISTOPHER COLUMBUS.

SANAMU la mgunduzi mashuhuri Christopher Columbus limevalishwa jezi mpya watakazotumia klabu ya Barcelona katika msimu wa 2013-2014 ikiwa ni kama sehemu ya utambulisho rasmi. Kampuni ya vifaa vya michezo ya Nike imeamua kutoa kiasi cha euro 94,100 kwa ajili ya kuvalisha sanamu hilo maarufu ambalo maono yake ya mbali yanafananishwa kama ya mchezaji nyota wa Barcelona Xavi Hernandez na uwezo wake wa kufanya vitu visivyowezekana unafananishwa na Lionel Messi. Mashabiki wengi wa wanaokaa Barcelona lakini wanashangilia timu zingine za mji huo wamekuwa wakiponda hatua hiyo na kudai kuwa klabu hiyo inapendelewa haswa mashabiki wa klabu ya Espanyol ambayo nayo inatoka mji huo. Uhasama kati ya klabu hizo mbili kubwa jijini Barcelona umekuwa siku zote wa hali ya juu lakini mchezo wao wa mwishoni mwa wiki hii Espanyol watalazimika kupanga mstari na kuwapongeza mabingwa hao wapya wa La Liga.