NEYMAR KUCHAGUA KLABU YA KWENDA BAADA YA SANTOS KUKUBALI KUMUUZA.

MSHAMBULIAJI nyota wa kimataifa wa Brazil na klabu ya Santos, Neymar amebainisha kuwa itamchukua muda kukaa kufikiria klabu ya kwenda baada ya Santos kukubali kumuuza mshambuliaji huyo jana. Neymar mwenye umri wa miaka 21 amekuwa akihusishwa na tetesi za kwenda Barcelona katika wiki za karibuni na inaaminika kuwa klabu zote mbili Barcelona na Real Madrid zote zimemtengea fungu nyota huyo. Nyota huyo amesema ni heshima kubwa kwake na siku ya furaha katika maisha yake na atakaa chini kufikiria ni wapi atakapokwenda katika vilabu hivyo viwili vilivyomandia dau. Amesema suala hilo halihitaji haraka kwani ingekuwa hivyo angeweza hata ndani ya dakika tano au nusu saa lakini ameamua kutulia na kuhusisha familia yake ili aweze kufanya chaguo sahihi kwa maisha yake ya baadae.