SCHOLES ATUNDIKA DARUGA KWA MARA YA PILI.

KIUNGO wa klabu ya Manchester United, Paul Scholes ametangaza kutundika daruga tena kwa mara ya pili ifikapo mwishoni mwa msimu huu. Scholes mwenye umri wa miaka 38 mara ya kwanza alitangaza kustaafu mwishoni mwa msimu wa mwaka 2010-2011 lakini alirejea tena uwanjani Januari mwaka 2012 baada ya kukiri kupungukiwa alipokuwa nje ya uwanja. Kiungo alisaini mkataba wa mwaka mmoja Mei mwaka jana na meneja wa klabu hiyo Sir Alex Ferguson anategemea kuwa huu utakuwa msimu wa mwisho kwa nyota huyo. Mechi yake ya mwisho katika kucheza katika Uwanja wa Old Traford pia itashuhudia United wakikabidhiwa Kombe la Ligi Kuu likiwa ni taji la 11 kwa Scholes toka atue katika klabu hiyo.