SHARAPOVA SASA ATOKA NA DIMITROV.

MCHEZAJI tenisi nyota anayeshika namba mbili katika orodha za ubora duniani kwa upande wa wanawake, Maria Sharapova amethibitisha kuwa ana mahusiano ya kimapenzi na nyota mwenzake wa tenisi Grigor Dimitrov wa Bulgaria. Wawili hao walinaswa katika kamera wakibusiana katika mitaa ya Madrid Jumatano iliyopita, siku moja baada ya Dimitrov kumng’oa Novak Djokovic katika michuano ya wazi ya Madrid. Sharapova ambaye ni raia wa Urusi alithibitisha kuwa mahusiano na Dimitrov kwa muda mrefu baada ya picha zao wakiwa walili kuchapishwa katika magazeti ya Hispania. Sharapova mabaye mwaka uliopita alivunja uhusiano na aliyekuwa mchumba wake nyota wa mchezo wa mpira wa kikapu Sasha Vujacic, anatarajiwa kupambana na Serena Williams katika mchezo wa fainali.