APEWA KADI NYEKUNDU KWA KUMNYANYAPAA MBWA.

MCHEZAJI mmoja wa ligi ndogo nchini Argentina amejikuta akipewa kadi nyekundu na mwamuzi baada ya kumnyanyapaa mbwa aliyekuwa akizunguka uwanjani. Luninga ya michezo ya Fox ya nchi hiyo ilitoa picha za video jana zikimuonyesha mchezaji huyo akitumia mikoni yake miwili na kumrusha mbwa huyo aliyekuwa na ukubwa wa kati katika senyenge zilizokuwepo uwanjani huku mchezo ukiendelea. 

Kitendo hicho kilipelekea mbwa huyo kujibamiza kwenye ukuta huo wa senyenge na kuanguka chini lakini alinyanyuka muda mchache na kukimbia. Mwamuzi alimuonyesha kadi nyekundu mchezaji huyo aliyejulikana kwa jina la Jose Gimenez na kutolewa nje katika mchezo huo uliozikutanisha timu za Balla Vista na San Juan katika eneo la Tucuman nchini humo.