NI UPUUZI KUTOA EURO MILIONI 100 KWA USAJILI WA MCHEZAJI MMOJA - FABREGAS.

KIUNGO nyota wa klabu ya Barcelona, Cesc Fabregas anafikiri kuwa klabu ya Real Madrid ya Hispania watakuwa wamewehuka kama wakivunja rekodi ya usajili kwa kulipa euro milioni ili kumsajili mshambuliaji nyota wa klabu ya Tottenham Hotspurs, Gareth Bale. Mshambuliaji huyo wa kimataifa wa Wales amekuwa akihusishwa kwenda Santiago Bernabeu huku kukiwa na tetesi kuwa ada ya uhamisho wake inafikia paundi milioni 85 ambayo itavunja rekodi ya sasa ya euro milioni 94 ambazo Madrid aliipa Manchester United kwa ajili ya Cristiano Ronaldo. Hatahivyo, Fabregas haelewi kwanini klabu hiyo inajiandaa kulipa kiasi hicho kikubwa cha pesa huku wakijua kuwa kuna tatizo kubwa la mdodoro wa kiuchumi unaizikumba baadhi ya nchi wakiwemo wao. Fabregas pia alirejea kauli yake kwamba angependa kuendelea kubakia Barcelona na kushangaa baadhi ya watu wakizungumza kwamba anataka kurejea katika Ligi Kuu nchini Uingereza.