RATIBA YA LIGI KUU UINGEREZA MSIMU WA 2013-2014 HADHARANI.

RATIBA ya Ligi Kuu nchini Uingereza kwa ajili ya msimu wa 2013-2014 imetoka huku mabingwa wa ligi hiyo Manchester United wakipangwa kufungua msimu na timu ya Swansea City. Ratiba hiyo itamshuhudia David Moyes akianza kibarua chake katika mechi ya kwanza kama bosi wa United dhidi ya timu hiyohiyo ambayo Sir Alex Ferguson alikutana nayo katika mchezo wake wa mwisho kabla ya kustaafu. Washindi wa pili wa ligi hiyo Manchester City watawakaribisha Newcastle United wakati Hull City ambayo imepanda daraja msimu huu itakuwa na safari ngumu pale watakapoifuata Chelsea, Stamford Bridge. Mechi nyingine Crystal Palace ambao nao wamepanda daraja msimu huu watawakaribisha Tottenham Hotspurs katika mchezo wa mahasimu wa jijini la London huku Arsenal wakiwakaribisha Aston Villa wakati Stoke City watakuwa wenyeji wa Liverpool. Nyingine ni Norwich watakuwa wenyeji wa Everton, Sunderland watakwaana na Fulham, West Bromwich na Southampton huku West Ham United wakichuana na Cardiff City.