ANIN ARUHUSIWA KUTOKA HOSPITALI BAADA YA KUUMIA VIBAYA UTI WA MGONGO KATIK AJALI.

KIUNGO mahiri wa klabu ya Nice ya Ufaransa, Kevin Anin anatarajiwa kuruhusiwa kutoka hospitali baada ya kupata majeraha ya uti wa mgongo katika ajali ya gari iliyotokea Juni 3 mwaka huu. Kwa mujibu wa taarifa zilizotumwa katika ukurasa wa mtandao wa kijamii wa twitter na dada wa mchezaji huyo aitwaye Soukhy amedai kuwa kaka yake mwenye umri wa miaka 27 atajiunga na familia yake kuanzia siku ya Ijumaa, Jumamosi na Jumapili kabla ya kurejea tena hospitali kwa ajili ya mazoezi. Anin alipata majeraha mabaya ya uti wa mgongo na pia kuvunjika mikono yake yote miwili wakati gari alilokuwa amepanda lilipopata ajali kilomita 10 kutoka mji wa Rouen uliopo magharibi mwa Ufaransa. Awali ilidhaniwa kwamba mchezaji huyo atapooza viungo vyake lakini madaktari bado hawajatoa kauli yoyote kuhusiana na uwezekano wa kupona kabisa.