REINA MBIONI KUTIMKIA NAPOLI.

GOLIKIPA mahiri wa klabu ya Liverpool, Pepe Reina anajipanga kujiunga na klabu ya Napoli ya Italia kwa mkopo wa msimu mmoja. Kocha wa Napoli Rafel Benitez ameamua kumchukua Reina ambaye alikuwa golikipa wake namba moja wakati akiifundisha Liverpool baada ya kushindwa kumsajili golikipa wa Queens Park Rangers Julio Cesar. Reina mwenye umri wa miaka 30 alitarajiwa kuripoti mazoezini Jumapili kabla ya kujiunga na wchezaji wenzake wa Liverpool waliopo katika ziara ya maandalizi ya msimu mpya. Mwezi uliopita Liverpool ilimsajili golikipa wa kimataifa wa Ubelgiji Simon Mignolet kutoka klabu ya Sunderland kwa ada ya paundi milioni tisa. Usajili huo wa Mignolet ndio utaweza kuchangia Reina kuondoka Anfield ambapo amekaa toka mwaka 2005 akitokea Villarreal baada ya kuanza soka lake katika klabu ya Barcelona.