BEJI YA UNAHODHA HAIWEZI KUNIBADILISHA - VAN PERSIE

MSHAMBULIAJI nyota wa kimataifa wa Uholanzi, Robin van Persie amedai kuwa beji ya unahodha wa timu ya taifa aliyopewa haiwezi kumbadilisha yeye binafsi na kama mchezaji. Nyota huyo anayekipiga katika klabu ya Manchester United alipewa beji hiyo iliyokuwa ikivaliwa na Wesley Sneijder mapema katika kipindi hiki cha kiangazi na amepania kuonyesha kwamba anastahili kuvaa kitambaa hicho. Van Persie amesema hawezi kubadilika ghafla kwasababu ya kupewa unahodha kwani siku zote amekuwa mkweli kwake mwenyewe katika maisha yake yote. Uholanzi inakabiliwa na mchezo wa kirafiki wa kimataifa baadae leo dhidi ya Ureno.