MURRAY AANGUKIA PUA CINCINNATI.

MCHEZA tenisi nyota wa Uingereza, Andy Murray ameangukia pua tena katika michuano ya wazi ya Cincinnati kwa kukubali kichapo kutoka kwa Tomas Berdych wa Jamhuri ya Czech katika hatua ya robo fainali. Berdych ambaye anashika namba sita katika orodha za ubora wa mchezo huo duniani alifanikiwa kumgaragaza Murray ambaye ni bingwa wa Wimbledon kwa 6-3 6-4. Berdych sasa atakutana na Rafael Nadal katika hatua ya nusu fainali baada ya Mhispania huyo kumwangusha Roger Federer wa Switzerland ambaye sasa ameanguka mpaka nafasi ya saba katika orodha hizo. Kwa upande mwingine Novak Djokovic anayeshika namba moja katika orodha hizo naye alitandikwa na John Isner ambaye atakutana na Juan martin Del Porto katika hatua ya nusu fainali.