SHEARER AITABIRIA CHELSEA KUNYAKUWA UBINGWA.

MSHAMBULIAJI nyota wa zamani wa kimataifa wa Uingereza, Alan Shearer ameitabiria Chelsea kunyakuwa ubingwa wa Ligi Kuu nchini humo kwasababu ya kocha wake mpya Jose Mourinho. Shearer ambaye kwasasa anafanya shughuli za uchambuzi wa soka katika luninga, anaamini kuwa uzoefu aliokuwa nao Mourinho utaisadia Chelsea kuwashinda mahasimu wao msimu huu. Nyota huyo wa zamani alidai kuwa Mourinho anaifahamu vizuri ligi hiyo na anajua ni mbinu gani za kutumia ili kuhakikisha ananyakuwa ubingwa. Mbali na uzoefu Shearer pia alidai kuwa Mourinho ana kipaji cha kukitengeneza kikosi chake ili kiweze kucheza katika kiwango cha juu na kushinda mechi zao muhimu.