NADAL ACHUKUA NAFASI YA MURRAY.

MCHEZAJI nyota katika tenisi kutoka Hispania, Rafael Nadal anatarajiwa kushiriki michuano ya wazi ya Marekani akiwa katika nafasi ya pili kwa ubora wa mchezo huo duniani kwa upande wa wanaume baada ya kunyakuwa taji la michuano ya wazi ya Cincinnati Jumapili iliyopita. Nadal amempita bingwa mtetezi wa michuano hiyo Andy Murray ambaye atakuwa watatu katika upangaji wa ratiba ya mwisho ya michuano hiyo inayotarajiwa kuanza Agosti 26 jijini New York. Nyota kutoka Switzerland Roger Federer ameanguka mpaka katika nafasi ya saba katika orodha hiyo ikiwa ni nafasi ya chini kushikilia katika kipindi cha miaka 11 iliyopita. Kwa upande wa wanawake hakuna kilichobalika sana katika orodha zao baada ya mwanadada Serena Williams wa Marekani kuendelea kuongoza akifuatiwa na Victoria Azarenka wa Belarus katika nafasi ya pili huku mwanadada mrembo kutoka Urusi Maria Sharapova akiwa nafasi ya tatu.