TIKETI ZAIDI YA MILIONI KUUZWA MICHUANO YA MADOLA.

ZAIDI ya tiketi milioni moja kwa ajili ya michuano ya Jumuiya ya Madola itakayofanyika jijini Glascow, Scotland zinatarajiwa kuingia sokoni. Waratibu wa michuano hiyo wameshauri watu ambao wangependa kushuhudia michuano hiyo kuweka mambo yao sawa lakini hawana haja ya kuwa na haraka kwani watakuwa na wiki nne za kutuma maombi yao. Michuano hiyo itakayochukua siku 11 inatarajiwa kuanza kufanyika Julai 23 mwaka 2014 na zaidi wanariadha 4,500 wanatarajiwa kuchuana katika michezo 17 tofauti kwenye viwanja 14 vilivyotengwa kwa ajili hiyo. Mmoja wa waratibu wa michuano hiyo, Ty Speer amesema tiketi za tukio ambalo litavuta mashabiki wengi zitaingizwa katika droo ili kuepuka uwepo wa upendeleo.