DJOKOVIC NA NADAL KUONYESHANA UBABE FAINALI US OPEN.

MCHEZAJI tenisi namba moja katika orodha za ubora duniani Novak Djokovic amefanikiwa kutinga fainali yake ya nne mfululizo ya michuano ya michuano ya wazi ya Marekani baada ya kumfunga Stanislas Wawrinka wa Switzerland katika mchezo nusu fainali. Katika mchezo huo Djokovic alitoka nyuma baada ya kupoteza seti ya kwanza dhidi ya mpinzani wake huyo anayeshika namba tisa kwa ubora na kufanikiwa kumfunga kwa 2-6 7-6 3-6 6-3 6-4. Djokovic mwenye umri wa miaka 26 raia wa Serbia sasa atakwaana na Rafael Nadal katika fainali itakayochezwa Jumatatu baada ya Mhispania huyo anayeshika namba mbili kumgaragaza Richard Gasquet kwa 6-4 7-6 6-2. Akihojiwa mara baada ya mchezo huo Djokovic alimsifu mpinzani wake kwa kucheza vizuri muda wote wa mchezo hivyo kumpa wakati mgumu lakini anashukuru kushinda mechi hiyo na kuingia katika fainali nyingine ya michuano hiyo. Djokovic amesema anajua fainali itakuwa ngumu kwake kutokana na mpinzani wake Nadal kuwa katika kiwango chake bora kabisa mwaka huu haswa anapocheza katika viwanja vigumu.