FLETCHER, ESSIEN WAACHWA CHAMPIONS LEAGUE.

WACHEZAJI Michael Essien na Darren Fletcher kwa pamoja wameenguliwa katika vikosi vya wachezaji 25 katika klabu zao ambao watashiriki michuano ya Ligi ya Mabingwa Ulaya hatua ya makundi. Essien ambaye aliungana na Jose Mourinho katika klabu ya Chelsea baada ya kupelekwa kwa mkopo katika klabu ya Real Madrid msimu uliopita ameshindwa kupata namba katika kikosi cha kwanza cha Chelsea katika mechi tatu za mwanzo kutokana na kuwa chini ya kiwango. Kwa upande wa Fletcher yeye amecheza mechi 13 pekee katika klabu ya Manchester United toka mwaka 2011 alipogundulika kuwa na ugonjwa wa vidonda vya tumbo. Kiungo huyo mwenye umri wa miaka 29 alikuwa akitegemea kurejea uwanjani hivi karibuni lakini kuondolewa kwake na David Moyes katika kikosi cha Ligi ya Mabingwa Ulaya inaashiria kuwa nyota huyo anaweza asiwe tayari kucheza mpaka mwakani.