MASHABIKI WATATU WA SOKA WA UINGEREZA WAJERUHIWA HUKO UKRAINE.

MASHABIKI watatu wa soka wa Uingereza wamekimbizwa hospitali kwa matibabu Jumapili usiku baada ya kupigana katika mgahawa pamoja na kundi la mashabiki wa Ukraine kabla ya mechi ya kufuzu fainali ya Kombe la Dunia baina ya timu hizo kesho. Kwa mujibu wa taarifa ya polisi ugomvi huo ulihusisha mashabiki 40 wa Uingereza na zaidi mashabiki 20 wengine wa Ukraine kushindwa kujizuia na kutwangana baada ya kujibishana kwa maneno. Taarifa hiyo iliendelea kudai kuwa raia watatu wa Uingereza walipelekwa hospitali kwa matibabu baada ya kupata majeraha kichwani na mikononi na baadae kurudishwa mahali walipofikia. Uingreza ndio wanaongoza kundi H kwa lama 15 wakipishana kwa tofauti ya magoli na Montenegro wanashika nafasi ya pili huku Ukraine wakiwa wa tatu kwa kuwa alama 14.