NADAL BINGWA MPYA US OPEN.

MCHEZAJI nyota wa tenisi anayeshika namba mbili katika orodha za ubora duniani, Rafael Nadal amefanikiwa kutawadhwa bingwa mpya wa michuano ya wazi ya Marekani baada ya kumfunga Novak Djokovic wa Serbia katika mchezo wa fainali uliofanyika katika Uwanja wa Arthur Ashe jijini New York. Nadal ambaye ni raia wa Hispania alifanikiwa kumtuliza Djokovic ambaye anashika namba moja katika orodha hizo kwa seti 3-1 zenye alama za 6-2 3-6 6-4 6-1 katika mchezo uliotumia saa tatu na dakika 21. Nyota huyo sasa ameshinda mataji 13 ya Grand Slam na kuingia katika orodha ya wachezaji waliowahi kushinda mataji mengi zaidi akiwemo Pete Sampras na Roger Federer anayeongoza orodha hiyo kwa kushinda mataji 17 ya Grand Slam. Ushindi huo sasa utamuwezesha Nadal kurejea namba moja katika orodha hizo akichukua nafasi ya Djokovic ambaye atashuka mpaka namba mbili.