PAMOJA NA KUSHINDA BOLT ADAI HAUKUWA MSIMU MZURI KWAKE.

PAMOJA na kushinda mataji matatu ya dunia katika mbio fupi, mwariadha nyota wa Jamaica Usain Bolt amedai kuwa msimu huu haukua mzuri kwake kama misimu mingine iliyopita. Kauli hiyo imekuja baada ya kumaliza mbio zake za mwisho kwa mwaka huu kwa kushinda mbio za mita 100 za Diamond League zilizofanyika jijini Brussels, Ubelgiji. Katika mbio hizo Bolt ambaye pia ni bingwa olimpiki alitumia muda wa sekunde 9.80 akifuatiwa na Mike Rodgers wa Marekani aliyetumia muda wa sekunde 9.90 huku Mjamaica mwenzake Nesta Carter akishika nafasi ya tatu kwa kutumia sekunde 9.94. Akihojiwa mara baada yam bio hizo Bolt amesema alianza msimu huu kwa majeruhi hivyo hawezi kusema kwamba ulikuwa msimu mzuri kwake kitu cha muhimu amemaliza akiwa juu. Kama kawaida yake Bolt alianza taratibu katika mbio hizo lakini aliongeza spidi na kuwapita wenzake zikiwa zimebaki mita 40 za mwisho na kushinda.