WENGER AKUMBWA NA UHABA WA WASHAMBULIAJI.

MENEJA wa klabu ya Arsenal, Arsene Wenger amezidi kukumbwa na majaga katika safu yake ya ushambuliaji baada ya kuumia kwa Yaya Sanogo na kuiacha timu hiyo na mshambuliaji mmoja anayetambulika. Sanodo ambaye ni mshambuliaji chaguo la pili amerejea katika klabu hiyo kutoka katika majukumu ya timu ya taifa ya vijana chini ya miaka 21 baada ya kupata maumivu ya mgongo. Chipukizi huyo mwenye umri wa miaka 20 anatarajiwa kufanyiwa uchunguzi tatizo lake na kufanyiwa matitabu katika kliniki ya klabu hiyo ili kuhakikisha anakuwa fiti kwa ajili ya mchezo wa mwishoni mwa wiki dhidi ya Sunderland. Majeruhi hayo yanamaanisha Olivier Giroud ndiye mshambuliaji wa kati pekee wa klabu hiyo aliyekuwa fiti kwa ajili ya mechi hiyo ya Jumamosi itakayochezwa katika Uwanja wa Light. Klabu hiyo ilishindwa kuwasajili washambuliaji iliyokuwa ikiwawinda kama Luis Suarez, Gonzalo Higuani, Wayne Rooney, Karim Benzema na Demba Ba na kumuacha Wenger akiwa na upungufu mkubwa kwenye safu yake hiyo.