BASHAH ATEULIWA KUWA RAIS WA EFF.

JUNEIDINE Bashah amechaguliwa kuwa rais mpya wa Shirikisho la Soka nchini Ethiopia-EFF baada ya kuwashinda wapinzani wake watatu waliokuwepo katika kinyang’anyiro hicho kilichofanyika katika hoteli ya Sheraton jijini Addis Ababa. Bashah alipata kura 55 huku mpinzani wake wa karibu Ato Wendimu akipata kura 38 na Dr Towfik kura nane huku Ato Taye Bulo akishindwa kupata kura zozote. Bashah anachukua nafasi ya Sahlu Gebremariam ambaye hakuwemo kwenye kinyang’anyiro hicho baada ya kukosa kura za mkoa anapotoka. Uchaguzi huo ulisimamiwa na mwakilishi kutoka Shirikisho la Soka Duniani-FIFA Leodegar Tenga ambaye pia ni rais wa Shirikisho la Soka la Tanzania.