NYOTA WA SOKA MAREKANI AFUNGA NDOA YA JINSIA MOJA.

MSHAMBULIAJI nyota wa soka wa kimataifa wa Marekani kwa wanawake, Abby Wambach amefunga ndoa ya jinsia moja na mpenzi wake wa muda mrefu ambaye pia ni mcheza soka Sarah Huffman. Taarifa hizo ziliripotiwa kwa mara ya kwanza na mtandao wa mastaa nchini Marekani wa TMZ kabla ya Wambach mwenyewe kutuma salamu za shukrani katika ukurasa wake wa mtandao wa kijamii wa twitter kushukuru mashabiki waliowaunga mkono katika siku yao hiyo muhimu. June mwaka huu Wambach mwenye umri wa miaka 33, amekuwa amekuwa mfungaji bora wan chi hiyo katika mechi za kimataifa baada ya kufikisha mabao 160 toka aanze kuitumikia nchi hiyo. Wambach ambaye alikuwa mchezaji bora wa dunia kwa upande wa wanawake mwaka jana aliisaidia timu ya taifa ya wanawake ya nchi hiyo kunyakuwa medali ya dhahabu katika michuano ya olimpiki iliyofanyika jijini London.