TUTAPAMBANA MPAKA DAKIKA ZA MWISHO - DI MARIA.

WINGA mahiri wa kimataifa wa Argentina, Angel Di Maria amesema kuwa watapigana kufa na kupona kuhakikisha wanamaliza wakiwa wa kwanza katika msimamo wa nchi za Conmebol. Argentina ilikuwa nchi ya kwanza kwa upande wan chi za Amerika Kusini kuondoa wenyeji Brazil, kufuzu michuano ya Kombe la Dunia kufuatia ushindi wa mabao 5-2 dhidi ya Paraguay Septemba mwaka huu. Pamoja na kujihakikishia nafasi ya kushiriki michuano hiyo itakayofanyika Juni mwakani, Di Maria amesisitiza kuwa kikosi chao kitacheza kiwango chake kama kawaida katika mechi zao mbili zilizobakia dhidi ya Peru na Uruguay. Nyota anayekipiga katika klabu ya Real Madrid amesema mara ya mwisho katika mechi za kufuzu michuano hiyo hakuna timu iliyowarahisishia hivyo haoni sababu za wao kufanya hivyo kipindi hiki.