BERGKAMP ATAKA KUREJEA ARSENAL.

NGULI wa zamani wa soka wa kimataifa wa Uholanzi, Dennis Bergkamp amebainisha kuwa angependa kurejea Arsenal kuchukua nafasi ya ukocha. Bergkamp alitundika daluga mwaka 2006 baada ya kuitumikia Arsenal kwa miaka 11 yenye mafanikio makubwa. Nyota huyo alikataa nafasi ya kutafuta vipaji aliyopewa na Arsenal baada ya kustaafu lakini baada ya miaka miwili akiwa kama msaidizi wa Frank de Boer katika klabu ya Ajax Amsterdam amesema kwasasa yuko tayari kurejea. Akihojiwa Bergkamp mwenye umri wa miaka 44 amesema mapenzi aliyonayo Johan Cruyff kwa Barcelona ndio yeye anavyojisikia akiwa na Arsenal.