BAYERN KUJIPIMA NA NYOTA WA MLS MWAKANI.

MABINGWA wa soka barani Ulaya, Bayern Munich wanatarajia kucheza mechi ya kirafiki na wachezaji nyota wa Ligi Kuu nchini Marekani mwakani katika ziara ya Amerika Kusini kwa ajili ya maandalizi ya msimu wa 2013-2014. Mechi hiyo ya maonyesho inatarajiwa kuchezwa Agosti 6 mwakani huko Portland, Oregon ambapo ndio maskani ya klabu ya Portland Timbers. Bayern walitawadhwa kuwa mabingwa wapya wa michuano ya Ligi ya Mabingwa barani Ulaya Mei mwaka huu kwa kuwafunga Wajerumani wenzao Borussia Dortmund kwa 2-1 katika mchezo wa fainali uliochezwa katika Uwanja wa Wembley. Kwasasa Bayern ndio vinara wa Ligi Kuu nchini Ujerumani maarufu kama Bundesliga kwa tofauti ya alama nne huku wakiwa wameshatinga hatua ya timu 16 bora katika michuano ya Ligi ya Mabingwa barani Ulaya.