CHAMPIONS LEAGUE: HAPATOSHI HATUA YA MTOANO.

HATUA ya makundi ya michuano ya Ligi ya Mabingwa barani Ulaya imekamilika jana usiku huku timu kadhaa zikijitengenezea nafasi ya kusonga mbele katika hatua ya timu 16 bora. Mashabiki wa soka duniani kote hivi sasa wako wakijiuliza ni timu ipi itayaocheza na ipi katika ratiba ya hatua ya mtoano inayotarajiwa kupangwa Jumatatu ijayo jijini Nyon, Ufaransa kutokana timu zote zilizotinga hatua hiyo kuonekana kuwa ngumu. Hatua ya mtoano mwaka huu itatawaliwa na timu za Uingereza baada ya kuingiza timu nne ambazo ni Manchester United, Manchester City, Chelsea na Arsenal huku nchi nyingine zikiwa na timu tatu, mbili na zingine moja. Arsenal na City ndio wanaoonekana kuwa na wakati mgumu baada ya kumaliza hatua ya makundi katika nafasi ya pili ukilinganisha na Chelsea na United ambao wao wamemaliza kama vinara wa makundi yao.