CHELSEA, ARSENAL, LIVERPOOL ZAPETA, MAN UNITED YAVUTWA SHATI.

MABAO ya Nicklas Bendtner dakika ya pili na Mesut Ozil dakika ya 47 yameipa ushindi wa 2-0- Arsenal dhidi ya Hull City jana katika mchezo wa Ligi Kuu ya Uingereza. Mabingwa watetezi Manchester United, wamezamishwa nyumbani na Everton kwa bao pekee lililofungwa na Bryan Oviedo. Kwa upande wa Liverpool wenyewe wamefanikiwa kuibuka na ushindi wa mabao 5-1 dhidi ya Norwich huku Luis Suarez akifunga mabao manne peke yake, wakati bao lingine likifungwa na Raheem Sterling, huku bao la wapinzani likifungwa na Johnson. Mwanasoka Bora wa Afrika, Yaya Toure alifunga mabao mawili katika ushindi wa 3-2 wa Manchester City dhidi ya West Brom, bao lingine la City likifungwa na Sergio Aguero huku mabao ya wapinzani yakifungwa na Pantilimon na Anichebe. Chelsea ilipata ushindi wa mbinde wa 4-3 ugenini dhidi ya Sunderland, mabao yake yakifungwa na Frank Lampard, Hazard aliyefunga mawili na Bardsley aliyejifunga, wakati mabao ya wenyeji yalifungwa na Altidore na Bardsley.