HIGUAIN ALIMWAGA CHOZI BAADA YA NAPOLI KUONG'OLEWA CHAMPIONS LEAGUE.

MSHAMBULIAJI nyota wa klabu ya Napoli, Gonzalo Higuain ameonyesha kuchanganyikiwa kufuatia timu yake kutolewa katika michuano ya Ligi ya Mabingwa barani Ulaya baada ya kushinda nafasi ya tatu katika kundi lao mbele ya Borussia Dortmund na Arsenal. Napoli waliwachapa Arsenal mabao 2-0 jana usiku na kufikisha alama 12 katika mechi sita walizocheza katika Kundi F lakini walishindwa kusonga mbele kutokana tofauati ya mabao ya kufunga na kufungwa baada ya timu zote tatu kumaliza na alama sawa. Akihojiwa Higuain amesema ni jambo la kushangaza kuona hawajasonga mbele huku wakiwa na alama 12 wakati kuna timu zina alama saba lakini zimefanikiwa kusonga mbele. Nyota huyo amesema kushinda mechi nne katika kundi kama hilo lenye timu kama Arsenal na Dortmund ni jambo lisilokuwa rahisi ndio maana anasononeshwa na jinsi walivyotoka ukilinganisha na makundi mengine.