ARSENAL KUVUNJA BENKI ILI KUMCHUKUA MSHAMBULIAJI WA UKWELI KUTOKA PORTO.

KLABU ya Arsenal imeanza kumnyatia mshambuliaji wa Porto, Jackson Martinez kama makubaliano ya kumsajili kwa mkopo mshambuliaji wa Real Madrid Alvaro Morata yatashindikana. Hatua hiyo imakuja kufuatia Arsenal kumpoteza Theo Walcott kwa msimu mzima baada ya kuchanika msuli katika goti lake kushoto. Arsenal wameanza tena mazungumzo na Madrid jana pamoja na kukataliwa mara kadhaa lakini kama timu hiyo ikishindwa kumpata mshambuliaji kwa mkataba wa muda mfupi tayari wamejiandaa kutumia fedha nyingi ili kupata mshambuliaji wa uhakika. Mbali na kumtaka Martinez, meneja wa Arsenal pia amepanga kumfukuzia winga wa Barcelona Pedro katika kipindi cha usajili majira ya kiangazi. Naye kocha wa timu ya taifa ya Uingereza, Roy Hodgson amedai kuwa kuumia kwa Walcott ni pigo kubwa kwa klabu na nchi lakini anaamini kuwa safu ya ushambuliaji ya timu hiyo itakuja kuwa imara zaidi ya hivi sasa.