DENG AIHAMA CHICAGO BULLS.

MCHEZAJI nyota wa mpira wa kikapu kutoka Uingereza anayecheza katika Ligi ya Mpira wa Kikapu nchini Marekani-NBA, Luol Deng amesajiliwa katika timu ya Cleveland Cavaliers baada ya kuitumikia Chicago Bull kwa karibu muongo mmoja. Deng mwenye umri wa miaka 28 mkataba wake na Chicago ulikuwa unamalizika mwishoni mwa msimu ambapo sasa anatarajiwa kuelekea jimbo la Ohio kucheza katika timu ya zamani ya LeBron James. 

Nyota huyo ambaye amezaliwa Sudan kabla ya kwenda Misri na baadae Uingereza aliiwakilisha Uingereza katika michuano ya olimpiki mwaka 2012 na pia amewahi kuitwa mara mbili katika kikosi cha nyota wa NBA. Kabla ya kutua Chicago mwaka 2004, Deng alikuwa akicheza katika timu ya Phoenix Suns.