MAN CITY YAKARIBIA KUMNASA KINDA WA NIGERIA.

KLABU ya Manchester City inakaribia kuinasa saini ya kiungo kinda mwenye umri wa miaka 17 Chidi Nwakali. Nwakali ambaye alikuwa mchezaji muhimu katika kikosi cha timu ya taifa ya Nigeria chini ya miaka 17 kilichonyakuwa taji la Kombe la Dunia Novemba mwaka jana anatarajia kusafiri kwenda Manchester kutoka Lagos na wazazi wake kwa ajili ya mzungumzo na mabosi wa City kesho. Kama dili hilo likikamilika, Nwakali atakunja kitita cha paundi 300,000 kwa mwaka huku kukiwa na kipengele cha kuongezwa mshahara wakati atakapofikisha umri wa miaka 18 Desemba 26 mwaka huu. Mbali na kucheza nafasi ya kiungo Nwakali pia anaweza kucheza kama beki na kwasasa anawakilisha shule ya michezo ya Shuttle iliyopo jijini Lagos.