MOYES AKIRI KUHITAJI KUSAJILI KATIKA DIRISHA DOGO.

MENEJA wa klabu ya Manchester United, David Moyes amekiri kuwa anahitaji kusajili wachezaji wapya katika kipindi hiki cha usajili wa dirisha dogo. Kauli ya Moyes imekuja kufuatia kipigo kingine walichopata katika uwanja wao wa nyumbani Old Traford kutoka kwa Swansea na kuwafanya kung’olewa katika michuano ya Kombe FA. Toka atue United akichukua mikoba ya Sir Alex Ferguson, Moyes amemsajili Marouane Fellaini pekee kutoka Everton ambapo kutokana na matokeo yasiyo mazuri amekumbwa na changamoto kubwa ya kuboresha kikosi chake. Akihojiwa Moyes amesema atajaribu kufanya usajili kipindi hiki lakini anaweza kushindwa kutokana na kipindi chenyewe cha usajili. Moyes alifanunua kuwa sio kwamba wao hawataki bali wachezaji wengi kipindi hiki cha dirisha dogo huwa hawapatikani.