NAPOLI YAPUMULIA AS ROMA SERIE A.

KLABU ya Napoli imefanikiwa kuifunga Sampdoria kwa mabao 2-0 katika mchezo uliochezwa mchana huu na kupunguza pengo la alama baina yake na AS Roma wanaoshika nafasi ya pili katika msimamo wa Ligi Kuu nchini Italia maarufu kama Serie A. Mabao ya Napoli yaliwekwa kimiani na Dries Mertens na kuifanya timu hiyo kufikisha alama 39 katika mechi 18 walizocheza alama mbili nyuma ya Roma ambao walifungwa na vinara wa ligi hiyo Juventus kwa mabao 3-0 jana. Napoli ambayo inanolewa na Rafael Benitez imeambulia alama nane pekee katika mechi zake sita zilizopita na kuwaweka katika nafasi ya tatu kwenye msimamo wa Serie A. Napoli imekuwa ikusuasua toka kuanza kwa msimu ingawa imefanya usajili mzuri ukiwemo wa mshambuliaji nyota kutoka Real Madrid Gonzalo Higuain huku wakijikuta waking’olewa mapema katika hatua ya makundi kwenye michuano ya Ligi ya Mabingwa barani Ulaya hatua ya makundi.