NILIKUWA NAMTAMANI LEWANDOWSKI KABLA YA HAJACHUKULIWA NA BAYERN - WENGER.

MENEJA wa Arsenal, Arsene Wenger amebainisha kuwa alifikiria uwezekano wa kumsajili Robert Lewandowski kabla Bayern Munich hawajathibitisha kumsajili kutoka Borussia Dortmund. Nyota huyo wa kimataifa wa Uholanzi ambaye ameifungiwa mabao 15 Dortmund msimu huu atajiunga na Bayern kwa uhamisho huru mwishoni mwa msimu huu. Pamoja na ujio wa Lewandowski katika kipindi cha majira ya kiangazi Wenger amedai kuwa Bayern hawako tayari kumuuza Mario Mandzukic katika kipindi cha usajili wa dirisha dogo lakini akadokeza kuwa lolote linaweza kutokea kwa nyota huyo wa kimataifa wa Croatia. Wenger amesema kuwa ni kweli alikuwa akimhitaji Lewandowski lakini tayari Bayern wamemchukua na kukiri kuwa hataweza kumchukua Mandzukic kwa kipindi hiki labda mpaka mwishoni mwa msimu. Kocha huyo aliendelea kudai kuwa wachezaji wote wakubwa wako katika vilabu vikubwa kwasasa na wao wanahitaji wachezaji wa aina hiyo.