BENITEZ ACHEKELEA KIPIGO.

MENEJA wa klabu ya Napoli, Rafael Benitez amefurahishwa na kiwango kilichocheza kikosi chake dhidi ya AS Roma pamoja na kipigo cha mabao 3-2 walichopata kutoka kwa timu hiyo ukiwa ni mchezo wa pili mfululizo kupoteza. Napoli walipata kichapo cha mabao 3-0 kutoka kwa Atalanta katika mchezo wa Serie A mwishoni mwa wiki iliyopita huku katika mchezo wa jana wa nusu fainali ya kwanza ya Kombe la Italia walijikuta wakitoka nyuma kwa mabao mawili kabla ya kusawazisha yote na kufungwa la ushindi dakika za lala salama. Benitez amesema mechi nzuri na mashabiki waliokuwepo walishuhudia kwasababu sio jambo rahisi kutoka nyuma kwa mabao mawili na kisha kusawazisha yote, hiyo inakuwa hatua nzuri. KOcha huyo aliendelea kudai kuwa ana uhakika wa kushinda katika mechi ya mkondo wa pili huku akimsifu nyota wa Roma Gervino kwa kufunga mabao mawili mazuri. Mchezo wa mkondo wa pili baina ya timu hizo unatarajiwa kuchezwa Februari 12 mwaka huu.