SIMEONE AKIRI KUZIDIWA NA MADRID.

MENEJA wa klabu ya Atletico Madrid, Diego Simeone amekiri kuwa mahasimu wao Real Madrid walikuwa bora zaidi baada ya kushushiwa kipigo cha mabao 3-0 katika mchezo wa mkondo wa kwanza wa nusu fainali ya Kombe la Mfalme uliochezwa jana usiku. Akihojiwa Simeone amesema Madrid walicheza mchezo mzuri na kuwabana kushindwa kucheza walivyozoea ingawa kuna nafasi chache walizipata lakini walishindwa kuzitumia. Kocha huyo aliendelea kusema kuwa Madrid siku zote ni timu ngumu lakini bado hajakata tama kwani ndio kwanza bado mchezo mwingine wa mkondo wa pili ambao atahakikisha anapata matokeo mazuri. Marudiano baina ya timu hizo itakuwa ni Februari 11 katika Uwanja wa Vicente Calderon ambako ni nyumbani kwa Atletico.