GUARDIOLA AKISIFU KIKOSI CHAKE KWA KUCHEZA KWA KIWANGO BORA DHIDI YA FRANKFURT.

MENEJA wa klabu ya Bayern Munich, Pep Guardiola anafikiri kuwa ushindi wa mabao 5-0 iliyopata timu yake dhidi ya Eintracht Frankfurt katika mchezo wa Bundesliga ndio waliocheza kwa kiwango cha juu kabisa msimu huu.Mabao yaliyofunga na Mario Gotze na Franck Ribery yaliisaidia Bayern kuongoza kwa mabao mawili katika kipindi cha kwanza kabla ya Arjen Robben, Dante na Mario Mandzukic kuongeza mengine katika kipindi cha pili. Akihojiwa Guardiola amesema wamecheza katika kiwango bora kabisa kuliko mechi yoyote msimu huu na ameridhishwa kutokana na hatua hiyo kubwa waliyopiga. Kocha huyo aliendelea kudai kuwa katika mchezo huo walifanikiwa kumiliki mpira katika vipindi vyote viwili na kufanikiwa kuwaweka washambuliaji wao katika maeneo ya hatari. Bayern kwasasa wanaongoza katika msimamo Bundesliga wakiwa ana alama 13 zaidi ya Bayer Leverkusen wanaoshika nafasi ya pili.