MKE WA OBAMA AMPONGEZA MCHEZAJI WA NFL KWA KUJITANGAZA SHOGA.

MCHEZAJI nyota wa Ligi ya Mpira wa Miguu nchini Marekani-NFL, Michael Sam amekuwa mchezaji wa kwanza wa ligi hiyo kujitangaza kwamba ni shoga na kupongezwa mke wa rais wan chi hiyo Michelle Obama. Mchezaji huyo wa zamani wa Chuo Kikuu cha Missouri mwenye umri wa miaka 24 alibainisha hayo Jumapili iliyopita. Michelle aliandika katika ukurasa wake wa mtandao wa kijamii wa twitter kuwa Sam ameonyesha mfano mzuri na unaofaa kuigwa kwa kila mtu. Mbali na Michelle, NFL pia wamemsifu mchezaji huyo kwa mkweli na jasiri kwa kujitokeza hadhari na kutangaza ujinsia wake. Sam alimaliza chuo mwaka Desemba mwaka jana na anategemewa kuwepo katika orodha ya wachezaji watakaochukuliwa na timu mbalimbali za NFL Mei mwaka huu.