NAWEZA KUSHINDANA NA BOLT HUKU NIKIWA NA MPIRA MGUUNI - GERVINHO.

MSHAMBULIAJI nyota wa klabu ya AS Roma, Gervinho kwa utani amedai kuwa anaweza kumshinda mwanariadha nyota wa mbio fupi Usain Bolt anayeshikilia rekodi ya dunia katika mbio za mita 100 na 200 huku akiwa na mpira mguuni kwake. Nyota huyo wa kimataifa wa Ivory Coast alifunga mabao mawili katika ushindi wa mabao 3-2 iliyopata Roma katika mchezo wa Kombe la Italia dhidi ya Napoli na kujiweka katika nafasi nzuri ya kutinga fainali ya michuano hiyo. Akihojiwa Gervinho amesema anaweza kumshinda Bolt akiwa ana mpira mguuni lakini akiwa bila mpira anadhani Mjamaica huyo atakuwa na kasi zaidi yake. Gervinho amesema anajisikia vizuri kufunga mabao hayo muhimu kwa timu yake na kuisadia kupiga hatua moja kuelekea katika fainali ya michuano hiyo.