TAYARI NINA KIKOSI CHA EL CLASSICO - ANCELOTTI.

MENEJA wa klabu ya Real Madrid, Carlo Ancelotti ametamba kuwa tayari anajua kikosi kitakachoanza Jumapili katika mchezo wa La Liga dhidi ya mahasimu wao Barcelona maarufu kama El Classico. Ushindi katika mchezo huo utaifanya Madrid kufikisha alama 73, ikiwa ni alama saba zaidi ya Barcelona wanaoshika nafasi ya tatu huku kukiwa kumebaki mechi tisa. Mahasimu wao wa jiji Atletico kwasasa wako katika nafasi ya pili katika msimamo wa La Liga wakiwa na alama 67. Akihojiwa Muitaliano huyo amesema tayari anajua kikosi kipi akitumie katika mchezo dhidi ya Barcelona. Kocha wa Barcelona, Gerardo Martino aliitandika Madrid kwa mabao 2-1 katika Uwanja wa Camp Nou Octoba mwaka jana lakini hali inaweza kuwa tofauti kutokana na timu hiyo kupoteza baadhi ya mechi zake hususani za ugenini katika kipindi cha karibuni.