USHINDI WAMPA JEURI, MOYES ATAMBA KUSHINDA LIGI YA MABINGWA.

MENEJA wa klabu ya Manchester United, David Moyes anaamini kuwa kikosi chake kinaweza kushinda taji la Ligi ya Mabingwa barani Ulaya baada ya kujihakikishia nafasi katika hatua ya robo fainali kwa ushindi wa mabao 3-0 dhidi ya Olympiakos jana usiku. United walisonga mbele kwa juhudi za Robin van Persie aliyefunga mabao yote matatu-hat trick na kuifanya kurejea mchezoni baada ya kipigo cha aibu walichopata kutoka kwa Liverpool Jumapili niiyopita. Moyes amekiri kuwa mabingwa hao watetezi wa Ligi Kuu ya Uingereza hawapewi nafasi katika michuano hiyo lakini amesisitiza kuwa wana uwezo kuhakikisha wanashinda taji hilo. Akihojiwa Moyes amesema kutegemea na ratiba itakavyokuwa lakini anajua watacheza mechi nyingi wakiwa hawapewi nafasi ila anaamini kikosi chake kinaweza kufanya chochote kinachoweza kuwashangaza wengi katika michuano hiyo.