RAMSEY AREJEA KUIKABILI EVERTON JUMAPILI.

MENEJA wa klabu ya Arsenal, Arsene Wenger amethibitisha kuwa kiungo Aaron Ramsey atarejea katika kikosi chake katika mchezo wa Ligi Kuu dhidi ya Everton utakaofanyika katika Uwanja wa Goodison Park. Nyota huyo wa kimataifa wa Wales mwenye umri wa miaka 23 amefunga mabao 13 katika mechi 27 alizocheza kabla ya kuumia msuli katika mchezo dhidi ya West ham United uliofanyika Desemba 26 mwaka jana. Wenger amesema kuwa na mchezaji kama Ramsey ambaye anaweza kuisadia timu ikapata mafanikio ni jambo muhimu sana. Kocha huyo aliendelea kudai kuwa Ramsey amekuwa akifanya bidii mazoezini lakini anachokosa hivi sasa ni mechi za mashindano na anadhani huu ni wakati muafaka wa kurejea tena uwanjani. Arsenal wanaoshika nafasi ya nne wamepishana kwa alama nne pekee na Everton wanashika nafasi ya tano ambapo pia waanakabiliwa na mchezo mwingine dhidi ya Wigan Athletic katika nusu fainali ya Kombe la FA itakayofanyika katika Uwanja wa Wembley Aprili 12.