TUKISHINDA MECHI ZETU ZOTE UBINGWA UTAKUWA WA KWETU - HOLLAND.

MENEJA msaidizi wa klabu ya Chelsea, Steve Holland anaamini kuwa klabu hiyo inahitaji kushinda michezi yake minne iliyobakia ili waweze kushinda taji la Ligi Kuu msimu huu. Bao pekee la Demba Ba liliiwezesha Chelsea kupata ushindi mwembamba wa bao 1-0 dhidi ya Swansea City jana na kuwaacha wakiwa na tofauti ya alama mbili na vinara Liverpool ambao nao walitakata kwa kuifunga Manchester City kwa mabao 3-2. Katika wiki zijazo Chelsea watakwaana na Liverpool na Holland anadhani kipigo walichopata kutoka Crystal Palace mwezi uliopita kimewaacha wakiwa na uhitaji wa ushindi katika mechi hizo kama wanataka nafasi ya kutawadhwa mabingwa wapya wa ligi. Holland amesema kimahesabu kama wakifanikiwa kushinda mechi zao zote zilizobakia kwasasa wana nafasi kubwa kushinda taji lakini hali hiyo itakuwa ngumu kutokana na hali ilivyo hivi sasa. Kocha aliendelea kudai kuwa kila timu hivi sasa inahitaji matokeo kwa namna moja au nyingine ili waweze kubakia katika Ligi Kuu au vinginevyo hivyo kufanya michezo mingi kuwa migumu.