WATSON AVAA KOTI LA KIJANI KWA MARA YA PILI.

MCHEZAJI nyota wa gofu kutoka Marekani, Bubba Watson amefanikiwa kushinda taji lake la pili la michuano ya Masters katika kipindi cha miaka miaka mitatu. Watson mwenye umri wa miaka 35 alifanikiwa kuwashinda Jordan Spieth na Jonas Blixt na kujishindia taji hilo ambalo mshindi wake huvalishwa Koti la Kijani. Katika michuano hiyo nyota anayeoongoza katika orodha za ubora wa mchezo huo Tiger Woods hakushiriki kutokana na kujiuguza baada ya kufanyiwa upasuaji mdogo wa mgongo. Chipukizi Spieth mwenye umri wa miaka 20 alikuwa akifukuzia rekodi ya Woods ya kuwa mchezaji mdogo zaidi kunyakuwa mtaji la michuano hiyo.