BAADA YA KUVUNJA REKODI YA ROGER MILLA, APPOU HANA MPANGO WA KUISHIA HAPO.

BAADA kumzidi nguli wa soka wa Cameroon, Roger Milla na kuwa mchezaji mzee zaidi, mshambuliaji wa kimataifa wa Mauritius Kersley Appou amaedai hana mpango wa kuishia hapo. Mwezi uliopita Appou aliweka rekodi mpya wakati akiwa na umri wa miaka 43 na siku 354 alipoichezea nchi yake katika mchezo wa kufuzu michuano ya Mataifa ya Afrika mwakani dhidi ya Mauritania. Wakati ushindi wa bao 1-0 waliopata katika mchezo huo kuwapa muda zaidi kwa nchi yake kuendelea na kampeni yao, Appou amepania kuwa sehemu ya changamoto itakayofuata. Akihojiwa Appuo amesema anajivunia kuvunja rekodi ya Roger Milla kwani hakuwa nguli kwa Afrika pekee bali duniani kwa ujumla na hawawezi kujifananisha naye lakini rekodi hiyo kwasasa ni yake.